ლატვიაში ოფიციალური ვიზიტით მყოფმა უკრაინის დელეგაციამ ლატვიას მთავრობასთან ერთად ხელი მოაწერა შეთანხმებას ტექნიკური და ფინანსური თანამშრომლობის შესახებ.
რიგაში უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთს არ უნდა მიეცეს საშუალება, მოიკრიბოს ძალა და მასშტაბურად შეუტიოს უკრაინას.
პრეზიდენტმა ზელენსკიმ იმედი გამოთქვა, რომ ნატოს მომდევნო სამიტისას, რომელიც ვაშინგტონში ივლისში გაიმართება, უკრაინის ალიანსში გაწევრების რეალური გეგმები დაისახება.
Today, I addressed the Estonian parliament to thank Estonia for standing on the side of freedom.
On February 24, 2022, the Russian leadership tried to restore their empire, whether Russian, Soviet, or hybrid.
But we didn’t fail. Our people. Our friends. The entire free world.🧵 pic.twitter.com/AsUBScK3t7
— Volodymyr Zelenskyy / Володимир Зеленський (@ZelenskyyUa) January 11, 2024
„უკრაინის ნატოში გაწევრების წინააღმდეგ გადადგმული ყოველი ნაბიჯი ნიშნავს იმას, რომ ვიღაცას რუსეთის ეშინია. ეს ასე არ უნდა მოხდეს. ეს ძალიან დიდი შეცდომა იქნება, რადგან ამით უფრო მეტად გაიზრდება რუსეთის პრეზიდენტის ამბიციები“, – განაცხადა უკრაინის პრეზიდენტმა, ვოლოდიმირ ზელენსკიმ.
უკრაინისთვის დამატებითი დახმარების მოძიება განსაკუთრებით მნიშვნელოვანია, რადგან, როგორც ამერიკის შეერთებული შტატების ეროვნული უსაფრთხოების საბჭოს სპიკერმა ჯონ კირბიმ ხუთშაბათს განაცხადა, აშშ-ს მხრიდან შემდგომი დახმარების შესახებ მოლაპარაკებები ამ ეტაპზე შეჩერებულია.
Ukraine's brave and fierce fight for freedom has been an inspiration to the Estonian people.
Many have joined the voluntary Defence League.
This is KAITSETAHE – WILL TO DEFEND.
Thank you for accepting my gift @ZelenskyyUa.
We’ll stand together until Ukraine’s victory. pic.twitter.com/XemC3pb02W
— Kaja Kallas (@kajakallas) January 11, 2024
ზელენსკის ბალტიის ქვეყნებში ვიზიტისას, ესტონეთის პრეზიდენტმა ალარ კარისმა განაცხადა, რომ ის თანახმაა, რუსეთის ტერიტორიაზე სამხედრო ობიექტებზე თავდასხმისთვის დასავლური იარაღი გამოიყენონ.
რუსეთის ყოფილმა პრეზიდენტმა დიმიტრი მედვედევმა კი დასავლეთი გააფრთხილა, რომ მსგავსი შეტევების გამო გამართლებული იქნება ატომური იარაღის გამოყენება.
