ამერიკის შეერთებულ შტატებში ოქროს გლობუსის 81-ე დაჯილდოება გაიმართა
ამერიკულ კინოპრემიას წლის მთავარი ფილმების – ,,ბარბის’’, ,,ოპენჰაიმერის’’, ,,ვონკას’’, ,,ყვავილის მთვარის მკვლელების” და სხვა კინონამუშევრების მთავარი როლის შემსრულებლები და რეჟისორები ესწრებოდნენ.
მათ შორის იყვნენ კილიან მერფი, მარგო რობი, ტიმოთი შალამე, ნიკოლას ქეიჯი და ასე შემდეგ.
მთავარი ჯილდო – ოქროს გლობუსი მამაკაცებში გადაეცა კილიან მერფის, ფილმ ,,ოპენჰაიმერში’’ შესრულებული როლისთვის, ხოლო ქალებში ლილი გლედსტოუნს, ფილმ ,,ყვავილის მთვარის მკვლელებში’’ ნათამაშები როლისთვის. ფილმი,,ოპენჰაიმერი’’ 8 ნომინაციაზე იყო წარდგენილი და აქედან პრიზი 5 ნომინაციაში მიიღო.
საუკეთესო რეჟისორის პრიზი გადაეცა ,,ოპენჰაიმერის’’ რეჟისორს, კრისტოფერ ნოლანს.
გამარჯვებულთა სია:
საუკეთესო ფილმი – დრამა
,,Oppenheimer”
საუკეთესო მსახიობი კაცი – დრამა
კილიან მერფი – ,,Oppenheimer”
საუკეთესო მსახიობი ქალი – დრამა
ლილი გლედსტოუნი – ,,Killers of the Flower Moon”
საუკეთესო მხატვრული ფილმი – მიუზიკლი ან კომედია
,,Poor Things”
საუკეთესო სატელევიზიო სერიალი – დრამა
,,Succession”
