რუსმა სამხედროებმა იერიში მიიტანეს ხარკივისა და ხერსონის რეგიონებზე

უკრაინის სამხრეთში, ზაპორიჟიის რეგიონში, რუსეთის თავდასხმებს 3 ადამიანი ემსხვერპლა, 9 კი დაიჭრა.

უკრაინის გენერალურ პროკურატურაში აცხადებენ, რომ სოფელ ბილენკეში 2 მეთევზე დაიღუპა, სოფელ ორიხივში კი – ერთი ადამიანი.  რუსმა სამხედროებმა იერიში მიიტანეს ხარკივისა და ხერსონის რეგიონებზეც.

უკრაინის პრეზიდენტმა ვოლოდიმირ ზელენსკიმ მადლობა გადაუხადა შეერთებული შტატების კონგრესსა და პრეზიდენტ ბაიდენს სამხედრო დახმარებისთვის.

I just had a call with @Pontifex Pope Francis.
 
I expressed my gratitude to His Holiness for his Christmas greetings to Ukraine and Ukrainians, as well as his wishes for a just peace for all of us.
 
We discussed our joint work to put Ukraine’s Peace Formula into action. Over 80… pic.twitter.com/212O8mN8dt

— Volodymyr Zelenskyy / Володимир Зеленський (@ZelenskyyUa) December 28, 2023

მიმდინარე წელს უკრაინას  თავდაცვის 34-ე, ჯამში კი, რუსეთის აგრესიის დაწყებიდან,  54-ე პაკეტი გადაეცა. უკრაინის პრეზიდენტი ასევე მადლობას უხდის ყველას, ვინც მხარს უჭერს უკრაინას კონკრეტული ამოცანის შესრულებაში, რომელიც რუსული ტერორის დამარცხებას ითვალისწინებს.

ახლა დაჭრილების ევაკუაციისთვის პოლიციის ვერტმფრენები ყველაზე სწრაფი საშუალებაა. მათი გამოყენებით უკვე გადაარჩინეს 2500-ზე მეტი ადამიანი. იქ, სადაც საევაკუაციო მანქანას რამდენიმე საათი სჭირდება, ვერტმფრენით მისვლა უფრო მცირე დროშია შესაძლებელი.