ვესტმინსტერის დემოკრატიის ფონდმა ინოვაციური კვლევა ჩაატარა, რომელიც ქალებზე კლიმატის ცვლილების ზეგავლენას აფასებს.
კვლევაში შესწავლილია ურთიერთკავშირი ქართულ საზოგადოებაში არსებულ სისტემურ პრობლემებს, კლიმატის ცვლილებასა და ქალთა მოწყვლადობას შორის. გამოვლენილია კლიმატის ცვლილების ზემოქმედება როგორც სოფლად, ასევე ქალაქებში მცხოვრებ ქალებზე.
კვლევაში ასევე გამოკვეთილია შესაძლებლობები, ტრადიციული ცოდნა და გადაწყვეტები ქალების შესაძლებლობების გასაძლიერებლად და კლიმატის ცვლილების მიმართ მათი მედეგობის გასაზრდელად. კვლევის ძირითად მიგნებებზე ევრონიუს ჯორჯიას ეთერში ვესტმინსტერის დემოკრატიის ფონდის წარმომადგენლობის ხელმძღვანელმა საქართველოში, ლაშა ნაკაშიძემ ისაუბრა.
