ისრაელი „ჰამასის“ მებრძოლებზე იერიშებს აგრძელებს. საერთაშორისო პარტნიორები კი ისრაელის მთავრობას ცეცხლის შეწყვეტისკენ მოუწოდებენ.
ცეცხლის შეწყვეტის მოწოდებები მას შემდეგ გახშირდა, რაც ერთ-ერთ იერიშს შემთხვევით სამი ისრაელელი მძევალი ემსხვერპლა.
ომის შედეგად ჩრდილოეთ ღაზის დიდი ნაწილი მიწასთანაა გასწორებული. დაღუპულია ათასობით მშვიდობიანი მოქალაქე. გადარჩენილთა დიდი ნაწილი კი ალყაშია მოქცეული.
პალესტინის მოსახლეობა მწირ ჰუმანიტარულ დახმარებაზეა დამოკიდებული
კვირას ადგილობრივმა მოსახლეობამ ის დახმარების სატვირთო მანქანები გააჩერა, რომლებიც ეგვიპტიდან რაფაჰის სასაზღვრო პუნქტის გავლით შევიდნენ ღაზაში. მათ ტვირთის ხელში ჩაგდება სცადეს.
ისრაელი დათანხმდა საკუთარი სასაზღვრო გადასასვლელი პუნქტი გახსნას კერემ შალომში, რომ ღაზაში მეტი ჰუმანიტარული დახმარება შევიდეს
Starting today (Dec. 17), UN aid trucks will undergo security checks and be transferred directly to Gaza via Kerem Shalom, to abide by our agreement with the US.
This will increase the daily volume of humanitarian aid entering Gaza and being delivered to the people of Gaza. pic.twitter.com/NuFMxmBjvW— COGAT (@cogatonline) December 17, 2023
ევროპელი დეპუტატების ჯგუფი, რომელიც რაფაჰის სასაზღვრო პუნქტზე ჩავიდნენ, ისრაელს ცეცხლის შეწყვეტისკენ მოუწოდებს.
ცენტრისტული საპარლამენტო ჯგუფის „განაახლეთ ევროპის“ წევრი ევროპარლამენტარები საფრანგეთიდან, შვედეთიდან და ირლანდიიდან არიან.
„არსებობს საერთო სურვილი, რომ შეწყდეს საბრძოლო მოქმედებები. ერთი მხრივ, ეს მნიშვნელოვანია, ღაზის მშვიდობიანი მოსახლეობის საკეთილდღეოდ. მეორე მხრივ, კი საჭიროა გამოიძებნის გამოსავალი იმ მძევლებისთვის, რომლებიც „ჰამასის“ ტყვეობაში არიან“, – განაცხადა ევროპარლამენტარმა კრისტოფ გრუდლერმა.
ამავდროულად, აშშ-ის თავდაცვის მინისტრი ლოიდ ოსტინი ოფიციალური ვიზიტით ახლო აღმოსავლეთში იმყოფება.
Wheels down in Manama 🇧🇭 for visits this week with Israel, Bahrain, and Qatar. I’ll also spend time with some of our U.S. military members in the region to thank them for their service to our nation. pic.twitter.com/knXCUK4o8U
— Secretary of Defense Lloyd J. Austin III (@SecDef) December 17, 2023
ისრაელის არმიის მხარდაჭერის მიუხედავად, შეერთებული შტატები ცდილობს ისრაელი დაარწმუნოს, რომ სამოქალაქო პირთა მსხვერპლის შესამცირებლად შესაბამისი ზომები მიიღოს.
