„ეს არის გზავნილი ქვეყნის შიგნით და ქვეყნის გარეთ საქართველოსთვის არაკეთილმოსურნე ძალებისთვის, რომლებიც ცდილობდნენ ქვეყანა დარჩენილიყო პოსტსაბჭოთა ნაცრისფერ ზონაში. სასიხარულოა, რომ ჩვენ ამ ყველაფერს ვაკეთებთ უკრაინასა და მოლდოვასთან ერთად.
არ უნდა დაგვავიწყდეს, რომ ჩვენ ჯერ კიდევ შესასრულებელი გვაქვს 9 რეკომენდაცია, რომლებიც სამწუხაროდ, ვერ შევასრულეთ. ასევე ძალიან მნიშვნელოვანი იქნება მომავალი წლის არჩევნები, რომელმაც შესაძლოა, დააჩქაროს პროცესები, განსაკუთრებით იმ შემთხვევაში თუ საპარლამენტო არჩევნები ჩაივლის სამართლიან გარემოში და არ იქნება შეკითხვები ლეგიტიმაციასთან დაკავშირებით“, – კორნელი კაკაჩია, საქართველოს პოლიტიკის ინსტიტუტის დირექტორი.
