რამდენიმე დღის წინ რუსეთის პრეზიდენტმა ვლადიმერ პუტინმა განაცხადა, რომ უახლოეს მომავალში დამტკიცდება ხელოვნური ინტელექტის განვითარების ევროპულზე ბევრად უფრო ამბიციური რუსული სტრატეგია. მისი თქმით, დასავლეთს არ უნდა მიეცეს საშუალება, რომ მონოპოლია განავითაროს ხელოვნური ინტელექტის სფეროში.
ხელოვნური ინტელექტის განვითარებაში მოწინავე ქვეყნები არიან ჩინეთი და ამერიკის შეერთებული შტატები, რომლებიც ბევრი მკვლევრისა და მსოფლიო ლიდერის აზრით, გარდაქმნიან მსოფლიოს და მთლიანად შეცვლიან საზოგადოებას სწორედ ისევე, როგორც ეს კომპიუტერების გავრცელების შემდეგ მოხდა მეოცე საუკუნის ბოლოს. სწორედ ამიტომ, არაერთი მკვლევარი ასევე ამბობს იმასაც, რომ რუსეთს შეეძლო ყოფილიყო მოწინავე ქვეყანა ხელოვნური ინტელექტის განვითარებაში, მაგრამ მას შემდეგ, რაც უკრაინაში შეიჭრა, მხოლოდ დამწყების როლს უნდა დასჯერდეს.
