2024 წლის 1 მარტიდან „პერსონალურ მონაცემთა დაცვის შესახებ“ კანონით გათვალისწინებული სიახლეები ამოქმედდება. კერძოდ კი, სიახლეების თანახმად მნიშვნელოვნად იზრდება სუბიექტის უფლებები და ფართოვდება მათი დაცვის გარანტიები.
კანონი სპეციალურ რეგულაციას შეიცავს არასრულწლოვანთა პერსონალური მონაცემების დამუშავებასთან დაკავშირებით. ასევე, ახლებურად რეგულირდება გარდაცვლილი პირის მონაცემთა დამუშავების საკითხი.
რა იცვლება მომავალი წლის მარტიდან „პერსონალურ მონაცემთა დაცვის შესახებ“ კანონში – ამ თემაზე ევრონიუს ჯორჯიას ეთერში პერსონალურ მონაცემთა დაცვის სამსახურის უფროსმა, ლელა ჯანაშვილმა ისაუბრა.
