დაე, იკითხოს თავისუფლებამ- კულტურა ცოცხალი, დამოუკიდებელი და პოლიტიკურია“- 1-დან 7 ოქტომბრის ჩათვლით, გამომცემლობების „ინტელექტისა“და „არტანუჯის“ ორგანიზებით და „მწერალთა ბართან“ პარტნიორობით საქართველოში აკრძალული წიგნების კვირეული იმართება. კვირეულის განმავლობაში ყოველდღე, საღამოს 19 საათზე, მწერლები, მთარგმნელები, ლიტერატორები ლექციებს კითხულობენ აკრძალული წიგნების შესახებ.
აკრძალული წიგნების კვირეული საერთაშორისო ღონისძიებაა.
საქართველოში ის გამომცემლობების- „ინტელექტისა“ და „არტანუჯის“ ინიციატივით 2018 წელს დაფუძნდა. რას ემსახურება ეს კვირეული როგორც საქართველოში, ისე მის ფარგლებს გარეთ, ევრონიუს ჯორჯიას ეთერში გამომცემლობა “ინტელექტის” მთავარმა რედაქტორმა ზვიად კვარაცხელიამ ისაუბრა.
