აზერბაიჯანმა ყარაბაღში „ანტიტერორისტული ღონისძიების” დაწყების შესახებ განაცხადა.
აზერბაიჯანის თავდაცვის სამინისტროს ინფორმაციით, ღონისძიებები „ლოკალური” ხასიათისაა. მათივე ცნობით, ბოლო დროს სომხეთის შეიარაღებული ძალები სისტემატურად ბომბავდნენ აზერბაიჯანის არმიის პოზიციებს ყარაბაღის რეგიონში, ასევე აძლიერებდნენ საბრძოლო პოზიციებს ჯავშანტექნიკით, საარტილერიო დანადგარებითა და სხვა ცეცხლსასროლი იარაღით, რამაც ვითარების ესკალაცია გამოიწვია.
19 სექტემბერს, დილით, ბაქოში განაცხადეს, რომ მათი ექვსი მოქალაქე ნაღმზე აფეთქდა და „უკანონო სომხური ფორმირებები” ტერიტორიის დანაღმვაში დაადანაშაულეს. მათივე ცნობით, სომხეთის შეიარაღებულმა ძალებმა აზერბაიჯანის პოზიციების მიმართულებით ცეცხლი გახსნეს.
ამ ინფორმაციას უარყოფენ სომხეთის თავდაცვის სამინისტროში. თავდაცვის სამინისტროს განცხადებაში ნათქვამია, რომ ბაქოს მიერ გავრცელებული ცნობები სიმართლეს არ შეესაბამება.
The statement disseminated by the MoD of #Azerbaijan that on September 19, at around 2:40 a.m., the units of the #Armenia'n Armed Forces allegedly opened fire against the Azerbaijani combat outposts located in the eastern part of the border, does not correspond to reality. pic.twitter.com/E31Nt3jLUe
— MoD of Armenia 🇦🇲 (@ArmeniaMODTeam) September 19, 2023
ყარაბაღი საერთაშორისო საზოგადოების მიერ აღიარებულია, როგორც აზერბაიჯანის ტერიტორია. ის ძირითადად ეთნიკური სომხებითაა დასახლებული.
ოფიციალურმა ბაქომ რეგიონზე კონტროლი 1994 წელს დაკარგა, მოგვიანებით, 2020 წლის ყარაბაღის მეორე ომის შედეგად, აზერბაიჯანმა გარკვეულ ტერიტორიებზე კონტროლი დაიბრუნა.
ამავე ამბავზე:
