უკრაინელმა სამხედროებმა უკვე მიიღეს კასეტური შეიარაღება. ინფორმაციას ადასტურებენ როგორც პენტაგონში, ისე კიევში.
ამერიკის შეერთებული შტატების პრეზიდენტმა ჯო ბაიდენმა დაასრულა თავისი ვიზიტი ფინეთში. მისი აზრით, ვლადიმერ პუტინი უკვე დამარცხებულია უკრაინის ომში. მას იმედი აქვს, რომ უკრაინა მნიშვნელოვან პროგრესს მიაღწევს კონტრეშეტევის ფარგლებში, რაც, თავის მხრივ, მათ კონფლიქტის მოლაპარაკების გზით გადაწყვეტის შესაძლებლობას მისცემს.
უკრაინის პრეზიდენტი ვოლოდიმირ ზელენსკიც ოპტიმისტურად არის განწყობილი, რადგან ექვსი ქვეყანა მზად არის უსაფრთხოების გარანტიები მისცეს უკრაინას და აღნიშნავს, რომ ვილნიუსის სამიტის მეორე დღესვე ექვსი ქვეყანა – ჩეხეთი, დანია, ნიდერლანდები, ნორვეგია, ესპანეთი და შვედეთი – შეუერთდა მსოფლიოს შვიდ უდიდეს დემოკრატიულ ქვეყანას საერთო საქმის შესასრულებლად. მისი თქმით, ისინი უკვე შეთანხმდნენ უსაფრთხოების გარანტიებზე. უკრაინის პრეზიდენტი მადლობას უხდის ყველას და იმედოვნებს, რომ გარანტორების რაოდენობა კიდევ გაიზრდება.
ვლადიმერ პუტინი კი თვლის, რომ რუსეთის სუვერენიტეტის დასაცავად ტექნოლოგიური განვითარებაა აუცილებელი. მისი აზრით, უკრაინის ნატოში გაწევრება ვერ გააუმჯობესებს უკრაინის უსაფრთხოებას. ეს ნაბიჯი მსოფლიოს უფრო დაუცველს გახდის და დამატებით დაძაბულობას გამოიწვევს.
