უკრაინის პრეზიდენტი ვოლოდიმირ ზელენსკი უკრაინელებს მოუწოდებს, რომ თავშესაფრები 24-საათის განმავლობაში იყოს ღია.
ვიდეომიმართვის დროს უკრაინის პრეზიდენტმა თავშესაფრებზე პასუხისმგებლებს შეახსენა, რომ ეს მათი მოვალეობა და კანონის წინაშე პასუხისმგებლობაა.
ამავდროულად, ბელგოროდის 400-ზე მეტი მშვიდობიანი მოსახლე დროებით თავშესაფრებში გადაიყვანეს მას შემდეგ, რაც გასული დღეების განმავლობაში რეგიონზე თავდასხმები გახშირდა.
ფინეთისა და ბრაზილიის პრეზიდენტებმა უკრაინაში მიმდინარე კონფლიქტი განიხილეს. მათი განცხადებით, მიმდინარე ომს ჯერჯერობით არ უჩანს დასასრული.
ვოლოდიმირ ზელენსკი კი ევროპელ ლიდერებს შეხვდა ევროპის პოლიტიკური გაერთიანების სამიტზე. ბრიტანეთის პრემიერმა რიში სუნაკმა განაცხადა, რომ უკრაინის ადგილი ნატოშია.
რუსეთის თავდაცვის სამინისტრო ამტკიცებს, რომ მათ იმ უკრაინელთა იერიში მოიგერიეს, რომლებიც ბელგოროდზე თავდასხმას ცდილობდნენ. სამინისტრომ ამ მოვლენის ამსახველი ვიდეოკადრებიც გამოაქვეყნა.
