ჩინური ახალი წლის დადგომამდე ორი დღე დარჩა. ქვეყნის უდიდეს ქალაქში, შანხაიში „ლამპრების ფესტივალზე“ კურდღლის წლის მოსვლას ეგებებიან.
ჩრდილოეთ სიჩუანისა და ვუჯინის გზების კვეთაზე 66 შიკუმენის სახლია ერთმანეთთან დაკავშირებული და კურდღლის დეკორაციებით მორთული.
აქ შეხვდებით „იღბლიან კურდღელს“, „კურდღლების გაერთიანებასა“ და „ჯანმრთელ კურდღელს“ – ყველა კურდღელს თავისი სახელი აქვს.
დამთვალიერებლებს სათამაშოდაც იწვევენ. მაგალითად, წყვილებს ლექციებს აწერინებენ და აკითხებენ. ღონისძიების ნაწილია საახალწლო ბაზრობაც, სადაც 40-ზე მეტი ტრადიციული ნივთი იყიდება.
„7 წელია შანხაიში ვარ და ყოველთვის ვესწრები ამ ფესტივალს. ძალიან მომწონს, ძალიან თბილი ატმოსფეროა“, – ამბობს ჰუგო ბაუდინეტი, ფესტივალის მონაწილე.
