მომხმარებელთა უფლებების დაცვის მიმართულებით, კონკურენციის ეროვნულმა სააგენტომ, 2022 წლის 1 ნოემბრიდან დღემდე, 90-მდე განაცხადი მიიღო, საიდანაც 47 საქმეზე შესწავლა დაიწყო.
ამ პროცესში, 4 საქმეზე სააგენტომ პირობითი ვალდებულების აღების შესახებ შეთანხმება გააფორმა, რაც იმას ნიშნავს, რომ მოვაჭრეებმა პასუხისმგებლობა აიღეს საქმიანობის შიდა პოლიტიკის შეცვლაზე და იმ მომხმარებელთა უფლებების აღდგენაზე, ვისაც წარსულში მათი სავაჭრო პოლიტიკის შედეგად ზიანი მიადგა.
როგორია მომხმარებლის უფლებების დაცვის შესახებ საქართველოს კანონის აღსრულების მექანიზმები – ამ თემაზე “ევრონიუს ჯორჯიას” ეთერში კონკურენციის ეროვნული სააგენტოს თავმჯდომარემ, ირაკლი ლექვინაძემ ისაუბრა
