საქართველოში მხოლოდ 4 არაგადამდები დაავადების სამკურნალოდ ყოველწლიური ეკონომიკური ტვირთი 3 მილიარდი ლარია, რაც მთლიანი შიდა პროდუქტის 6,2%-ია – ეს ინფორმაცია ჯანმრთელობის მსოფლიო ორგანიზაციას ეკუთვნის.
მათივე ცნობით ქვეყანაში სიკვდილიანობის 94%-ზე მეტის გამომწვევი მიზეზი სწორედ ეს 4 არაგადამდები დაავადებაა: გულ-სისხლძარღვთა, ონკოლოგიური და ქრონიკული რესპირატორული დაავადებები და დიაბეტი.
მათი პრევენციისა და კონტროლის მიზნით, საზოგადოებრივი ჯანმრთელობის ექსპერტთა ჯგუფმა არაგადამდები დაავადებების საინვესტიციო პაკეტი მოამზადა.
რას გულისხმობს ეს პაკეტი და ზოგადად რა არის არაგადამდებ დაავადებათა გამომწვევი მიზეზები – ამ თემაზე “ევრონიუს ჯორჯიას”ეთერში ჯანდაცვის პოლიტიკის ექსპერტმა, გიორგი ბახტურიძემ ისაუბრა
