19-დან 23 ოქტომბრის ჩათვლით მწერალთა სახლისა და წიგნის გამომცემელთა და გამავრცელებელთა ასოციაციის ორგანიზებით საქართველო წელსაც ტრადიციულად წარდგება ფრანკფურტის წიგნის ბაზრობაზე. წლევანდელ ლიტერატურულ პროგრამაში 7 ქართველი ავტორი მიიღებს მონაწილეობას.
საქართველოს ეროვნულ სტენდზე სხვადასხვა აქტივობაა დაგეგმილი, მათ შორის მწერლების შეხვედრები უცხოელ მკითხველთან და ახალი მთარგმნელობითი პროექტების დაანონსება.
ფრანკფურტის წიგნის ბაზრობაზე ქართული პროგრამის შესახებ “ევრონიუს ჯორჯიას” ეთერში მწერალთა სახლის დირექტორის მოადგილემ, მაიკო დანელიამ და წიგნის გამომცემელთა და გამავრცელებელთა ასოციაციის აღმასრულებელმა დირექტორმა, თინათინ ბერიაშვილმა ისაუბრეს.
