„საქართველოს სტრატეგიული კვლევებისა და განვითარების ცენტრი” ევროკავშირის მხარდაჭერით, 30 სექტემბერსა და 1-ელ ოქტომბერს სოციალური საწარმოების რიგით მესამე B2B გამოფენას უმასპინძლებს. ღონისძიების მიზანია სოციალურ საწარმოებსა და ბიზნესსექტორს, ასევე საზოგადოებრივ და სახელმწიფო სექტორებს შორის საქმიანი ურთიერთობები გააღრმავოს.
რა იქნება წლევანდელი გამოფენის თემა და რა ტემპით ვითარდება საქართველოში სოციალური მეწარმეობა? – ამ თემებზე “ევრონიუს ჯორჯიას” ეთერში სოციალური საწარმოების B2B პარტნიორობის პროექტის მენეჯერმა, გიგა ჩიტიშვილმა და საქართველოს სტრატეგიული კვლევებისა და განვითარების ცენტრის კომუნიკაციების მენეჯერმა, მარიამ ჯაფარიძემ ისაუბრეს
