მთავარი საქართველო უმუშევრობის ზრდით საქართველო რეგიონის ქვეყნებს შორის ლიდერია

უმუშევრობის ზრდით საქართველო რეგიონის ქვეყნებს შორის ლიდერია

გლობალურად უმუშევრობის ბუნებრივ დონედ დაახლოებით 3% ითვლება. საქართველოში კი წლებია შკალაზე გაცილებით მაღალი 17-18% ფიქსირდება.

პანდემიით გამოწვეული შეზღუდვებისა და ეკონომიკის გაჩერების გამო, საქსტატის ინფორმაციით, მიმდინარე წლის მეორე კვარტალში საქართველოში უმუშევრობის მაჩვენებელი გაიზარდა და რეკორდულად მაღალ 22.1%-ს მიაღწია.

სპეციალისტების აზრით, „ეკონომიკის დუღილის“ მიუხედავად, ასეთი ნიშნული უღარიბესი ქვეყნების მაგალითია და რეგიონში ამ მხრივ საქართველო ლიდერის პოზიციაზეა. რატომ აქვს საქართველოს, რეგიონის მასშტაბით, ერთ-ერთი ყველაზე მაღალი უმუშევრობა – ამ კითხვაზე ეკონომისტები ამბობენ, რომ პრობლემის მიზეზი კომპლექსურია.

მიმდინარე წელს სამეზობლოში უმუშევრობის დონის ზრდა მეორე კვარტლის მონაცემებით ასე გამოიყურება – თურქეთში 12%, რუსეთში 4.5%, სომხეთში სავარაუდოდ – 17%, აზერბაიჯანში სავარაუდოდ – 6.1%. ეკონომიკის სპეციალისტების აზრით, თუ ქვეყანაში ვაქცინაციის ტემპი არ გაიზარდა და მთავრობის ეკონომიკურმა გუნდმა ქმედითი ნაბიჯები არ გადადგა, არ არის გამორიცხული, რომ წლის ბოლოსთვის უმუშევრობის დონე გაიზარდოს.

ალეკო გვეტაძე

უახლესი

სხვა ამბები

საქართველოსაქართველო

Send this to a friend