დღეს კლიმატის ცვლილების მთავრობათაშორისი პანელი იხსნება. შემდეგი 2 კვირის განმავლობაში 195-მდე ქვეყნის წარმომადგენლობა მეცნიერებსა და მკვლევრებს ვირტუალურად შეხვდება.
მეცნიერების ახალი ანგარიში 2013 წლის შემდეგ ყველაზე მასშტაბურია. ის გლობალური დათბობის საკითხებს ეხება. ექსპერტები აღნიშნავენ, რომ ანგარიში „განგაშის ზარი“ იქნება ყველა ქვეყნის ხელისუფლებისთვის.
ბოლო 30 წლის განმავლობაში დედამიწაზე გლობალური დათბობის პრობლემაა. მთავრობათაშორისი პანელი ერთ-ერთი ყველაზე მნიშვნელოვანი პლატფორმაა, რომელზეც გარემოსთან დაკავშირებულ პრობლემებსა და მისი მოგვარების გზებს მეცნიერული თვალსაზრისით განიხილავენ.
მეცნიერებმა ბოლო ანგარიში 2013 წელს წარადგინეს. ანგარიშის მიხედვით, 1950-იანი წლებიდან მოყოლებული გლობალური დათბობის მთავარი მიზეზი ადამიანია. ეს დოკუმენტი საფუძვლად დაედო პარიზის კლიმატის ხელშეკრულებას, რომელიც 2015 წელს გაფორმდა.
The approval session for #IPCC’s next report, #ClimateChange 2021: the Physical Science Basis, starts on Monday 26 July & will run until Friday 6 August.
The opening ceremony will be streamed #LIVE at 11am CEST Monday 26 July 🎥https://t.co/erS0ErluUE
➡️ https://t.co/QQArixuQtv pic.twitter.com/SFJ2Ecfvkp
— IPCC (@IPCC_CH) July 23, 2021
