მთავარი ევროპა ბოსნია და ჰერცეგოვინა სრებრენიცის ტრაგედიიდან 26 წელი გავიდა

სრებრენიცის ტრაგედიიდან 26 წელი გავიდა

11 ივლისს, ბოსნიაში ათასობით ადამიანი შეიკრიბა. მათ 1995 წელს სრებრენიცაში მომხდარი ხოცვა-ჟლეტა გაიხსენეს და  გარდაცვლილებს პატივი მიაგეს.

სრებრენიცის მოვლენები მეორე მსოფლიო ომის შემდეგ  პირველად შეაფასეს გენოციდად. შეკრებილებმა მოიგონეს ის 8000 ბოსნიელი მუსლიმანი, ძირითადად მამაკაცები და ბავშვები, რომლებიც სიკვდილით დასაჯეს. ასევე გადაასვენეს იმ 19 ადამიანის ცხედარი, რომელთა ვინაობაც დნმ-ის ანალიზის საშუალებით ახლა დაადგინეს.

ტრაგიკული მოვლენებიდან 26 წლის შემდეგ 16 მამაკაცის, 2 მოზარდისა და ერთი ქალის ცხედარი ქალაქის აღმოსავლეთით, მემორიალურ სასაფლაოზე იმ ადგილას გადაასვენეს, სადაც მასობრივი ხოცვა-ჟლეტის 6600 მსხვერპლია დაკრძალული.

სრებრენიცის ხოცვა-ჟლეტა ყოფილი იუგოსლავიის დაშლას მოჰყვა, როდესაც ერთმანეთს სერბები, ბოსნიელები და ხორვატები დაუპირისპირდნენ. ომში, რომლის დროსაც სამშვიდობო შეთანხმება 1995 წელს გაფორმდა, 100 000-ზე მეტი ადამიანი დაიღუპა.

უახლესი

სხვა ამბები

Send this to a friend