ლიეტუვას საგარეო საქმეთა მინისტრი გაბრიელიუს ლანდსბერგისი საქართველოში ვიზიტს განაგრძობს.
ვიზიტის ფარგლებში ის საქართველოს საგარეო საქმეთა მინისტრს, პრემიერ-მინისტრს, პარლამენტის თავმჯდომარესა და პრეზიდენტს, ასევე ოპოზიციური პარტიების ლიდერებსა და არასამთავრობო ორგანიზაციების წარმომადგენლებს ხვდება.
ვიზიტის დროს მინისტრი ასევე ჩავა გამყოფ ხაზთან და შეხვდება ევროკავშირის სადამკვირვებლო მისიის წარმომადგენლებს საქართველოში.
ლანდსბერგისი საქართველოში კავკასიური ტურნეს ფარგლებში იმყოფება. მანამდე ის სომხეთში ჩავიდა, ხვალ კი აზერბაიჯანში გაემგზავრება.
