მთავარი გადაცემები The Cube ტექგიგანტებმა სოციალურ ქსელ PARLER-ს მომსახურება შეუჩერეს

ტექგიგანტებმა სოციალურ ქსელ PARLER-ს მომსახურება შეუჩერეს

ავტორი: დავით კეკენაძე

სოციალურ ქსელ Parler-ის ვებგვერდი სრულად გაითიშა მას შემდეგ, რაც Amazon-ის შვილობილმა კომპანიამ, Amazon Web Services-მა, რომლის სერვერებსაც სოციალური ქსელი Parler იყენებდა, პლატფორმას ჰოსტინგის მომსახურება შეუჩერა. არ მუშაობს Parler-ის აპლიკაციაც.

კომპანია Amazon-მა სოციალურ ქსელ Parler-ს გაუგზავნა წერილი, რომელშიც ნათქვამია, რომ Amazon Web Services ვერ გაუწევს მომსახურებას ისეთ მომხმარებელს, რომელსაც არ შეუძლია, ეფექტიანად აღკვეთოს საკუთარ პლატფორმაზე ძალადობის წამახალისებელი მასალები.

Parler-ის აპლიკაცია ასევე ამოიღო Google-მა Play Store-დან და Apple-მა Appstore-დან, რაც ნიშნავს, რომ Android-ისა და iOS-ის მობილური ტელეფონების მფლობელები მის გადმოწერას ამ გზით ვეღარ შეძლებენ. Google-ის მსგავსად, Apple-იც აცხადებს, რომ ამის მიზეზი ძალადობისა და კანონსაწინააღმდეგო მასალების აღკვეთის სათანადო მექანიზმების უქონლობაა.

Parler-ის  ხელმძღვანელი აცხადებს, რომ პლატფორმა, შესაძლოა, გათიშული იმაზე დიდხანს დარჩეს, ვიდრე თავდაპირველად ვარაუდობდნენ. ამის მიზეზი ის არის, რომ ბაზრის ლიდერებს  ჰოსტინგის სხვა პლატფორმებმაც მიბაძეს და Parler-ის  მომსახურებზე პლატფორმების დიდი ნაწილი უარს ამბობს.

უახლესი

მსგავსი სიახლეები

“ქართულ ოცნებას” ახალი თავმჯდომარე ჰყავს

16 იანვარს პარტია "ქართული ოცნება-დემოკრატიული საქართველოს" ყრილობაზე პარტიის თავმჯდომარედ ირაკლი კობახიძე ერთხმად აირჩიეს. ღონისძიებაზე პოლიტიკური საბჭოს ახალი შემადგენლობაც გახდა ცნობილი. მმართველი პარტიის პოლიტსაბჭოს 20 წევრი ეყოლება. ქართული ოცნების გენერალური მდივნის თანამდებობაზე კვლავ თბილისის მერი კახი კალაძე დარჩა. ყრილობას საქართველოს მასშტაბით 400-მდე დელეგატი დაესწრო. ღონისძიებაზე არ იმყოფებოდა პარტიის ყოფილი თავჯდომარე და ქართული ოცნების დამფუძნებელი ბიძინა ივანიშვილი. პარტიის რიგით მეექვსე ყრილობა რამდენიმე წუთი გაგრძელდა.