მთავარი სპორტი ინგლისი „შემოდგომის ერთა თასის“ გამარჯვებულია

ინგლისი „შემოდგომის ერთა თასის“ გამარჯვებულია

ავტორი: გიორგი სანაძე

„შემოდგომის ერთა თასის“ ფინალში ინგლისმა საფრანგეთი 22:19 დაამარცხა და ჩემპიონის ტიტული მოიპოვა. შეხვედრა დაძაბული გამოდგა და გამარჯვებულის ვინაობა დამატებით დროში გამოვლინდა.

საფრანგეთი თითქმის მთელი მატჩის განმავლობაში ლიდერობდა. ინგლისელებმა ანგარიში ბოლო წუთზე გაათანაბრეს, რის შედეგადაც დამატებითი დრო დაინიშნა.

დამატებით დროში, როდესაც ნებისმიერი მოპოვებული ქულა გამარჯვების ტოლფასია, ინგლისმა ჯარიმის დარტყმის უფლება მოიპოვა. თუმცა ოუენ ფარელმა შანსი ვერ გამოიყენა და მატჩი გაგრძელდა.

ინგლისელებმა ჯარიმა მეორედაც მიიღეს. ამჯერად ფარელმა ზუსტად დაარტყა და ინგლისმა გაიმარჯვა.

შესაბამისად, პირველი და მეორე ადგილები ინგლისმა და საფრანგეთმა გაინაწილეს. მესამეზე ირლანდია გავიდა, მეოთხეზე –  შოტლანდია, მეხუთეზე –  უელსი, მეექვსეზე კი – იტალია. ფიჯიმ მეშვიდე ადგილი დაიკავა, საქართველოს ნაკრები კი მერვე ადგილზე გავიდა.

„შემოდგომის ერთა თასის“ ბოლო შეხვედრაში „ბორჯღალოსნები“ ფიჯისთან 38:24 დამარცხდნენ.

უახლესი

სხვა ამბები

ინგლისიინგლისი
Send this to a friend