ჩინეთის ხელისუფლება პაკისტანისა და ირანის ისლამურ რესპუბლიკას შორის დაპირისპირების ამოწურვას მიესალმება.
თეირანში განაცხადეს, რომ ისლამური თეოკრატიული რეჟიმის საგარეო საქმეთა მინისტრი პაკისტანს მომავალ კვირას ეწვევა. ირანელი და პაკისტანელი კოლეგები ასევე შეთანხმდნენ, რომ ორივე სახელმწიფოს ელჩები 26 იანვარს დაუბრუნდებიან პოსტებს.
პეკინი დაპირისპირების პირველივე დღიდანვე მოუწოდებდა პაკისტანსა და ირანს კონფლიქტის მშვიდობიანი მეთოდებით მოგვარებისკენ.
In a telephone conversation with Mr. Jalil Abbas Jilani, the Minister of Foreign Affairs of the Islamic Republic of Pakistan, while pointing out the importance of continued cooperation and close communication between the officials of the two countries, I emphasized the respect of…
— H.Amirabdollahian امیرعبداللهیان (@Amirabdolahian) January 17, 2024
ორ მეზობელ სახელმწიფოს შორის ურთიერთობების დაძაბვა მოსაზღვრე რეგიონში ორივე მხარის მიერ მიტანილ სამხედრო იერიშებს მოჰყვა. როგორც თეირანში ასევე კარაჩაში აცხადებდნენ, რომ მათი მიზანი ადგილობრივი ტერორისტული დაჯგუფების მოსპობა გახლდათ.
„ჩვენ მივესალმებით ირანსა და პაკისტანს შორის ურთიერთობების გაუმჯობესებასა და რეგიონში სტაბილურობის აღდგენას. ამ ორ სახელმწიფოს განსაკუთრებული გავლენა აქვს რეგიონში მიმდინარე მოვლენებზე და ჩვენ მხარს ვუჭერთ მათ შორის მეგობრული ურთიერთობების არსებობას. სწორედ ამ გზით არის შესაძლებელი საერთო ეკონომიკური წინსვლის მიღწევა“, – აცხადებს ვანგ ვებინი, ჩინეთის სახალხო რესპუბლიკის საგარეო საქმეთა სამინისტროს პრესმდივანი.
China welcomes the good progress that Iran and Pakistan have made in repairing their ties and supports them in further enhancing mutual trust and deepening cooperation through friendly consultation. pic.twitter.com/aescHFV7uX
— Spokesperson发言人办公室 (@MFA_China) January 23, 2024
