ისრაელმა გაავრცელა რამდენიმე ვიდეო, რომლებშიც, როგორც თავად ამტკიცებს, ღაზაში, ალ-შიფას საავადმყოფოში, აღმოჩენილი შეიარაღება და აღჭურვილობაა ასახული.
ვიდეოები მას შემდეგ გავრცელდა, რაც ისრაელი სამედიცინო კომპლექსზე შტურმისთვის გააკრიტიკეს.
Watch as LTC (res.) Jonathan Conricus exposes the countless Hamas weapons IDF troops have uncovered in the Shifa Hospital's MRI building: pic.twitter.com/5qssP8z1XQ
— Israel Defense Forces (@IDF) November 15, 2023
ასევე გამოქვეყნდა იმ ისრაელელი ჯარისკაცების კადრები, რომლებსაც ბავშვებისთვის სამედიცინო მარაგი და საკვები შეაქვთ დაწესებულებაში
როგორც ისრაელის სამხედროები ამბობენ, მათ ჩაატარეს ზუსტი და მიზანმიმართული ოპერაცია „ჰამასის“ წინააღმდეგ, რადგან იგი საავადმყოფოს სამეთაურო ცენტრად იყენებს. თუმცა ამ ბრალდებებს „ჰამასი“ არ ეთანხმება.
ისრაელის არმიის სპიკერი დანიელ ჰაგარი ამბობს, რომ საავადმყოფოში აღმოაჩინეს „ჰამასის“ მებრძოლების მიმოფანტული ფორმები. იგი ვარაუდობს, რომ მათ სამოქალაქო ტანსაცმლით შეძლეს გაქცევა.
A precise and targeted operation is being carried out against Hamas in a very specific area of the Shifa Hospital. We have soldiers trained specifically for this situation, and continue to reiterate we are ONLY at war with Hamas. We continue to do everything in our power to… pic.twitter.com/75t7YEncBk
— Israel Defense Forces (@IDF) November 15, 2023
ჯანმოს გენერალური დირექტორი ტედროს გებრეისუსი ისრაელის სამხედრო ინტერვენციას ქალაქ ღაზის ალ-შიფას საავადმყოფოში გაუმართლებელ ქმედებად აფასებს და დასძენს, რომ საავადმყოფო არ უნდა გადაიქცეს ბრძოლის ველად. ორგანიზაციაში პაციენტებისა და პერსონალის უსაფრთხოებაზე ღელავენ.
Hospitals are not battlegrounds. #Gaza pic.twitter.com/hx3OxUSVDl
— Tedros Adhanom Ghebreyesus (@DrTedros) November 15, 2023
კარგი ამბავი ისაა, რომ ომის დაწყებიდან პირველად მიაწოდეს ღაზას საწვავი, რომელიც ღაზის სამხრეთ ნაწილში ეგვიპტიდან, რაფაჰის სასაზღვრო პუნქტიდან, შევიდა.
დიპლომატიურ ფრონტზე გარკვეული წინსვლაა
გაეროს უსაფრთხოების საბჭომ მიიღო რეზოლუცია, რომელიც ღაზაში ჰუმანიტარულ პაუზებსა და დერეფნებს უკავშირდება. რეზოლუცია რამდენიმეკვირიანი დაძაბული მოლაპარაკებების შედეგად მეხუთე მცდელობაზე მიიღეს.
