სიცივისა და სიბნელისა მიუხედავად, 16 თებერვალს დილით ადრე ორგანიზაცია „გრინპისის“ აქტივისტებმა ცოცხალი ჯაჭვი გააკეთეს, რათა ხელი შეეშალათ ფერტეს ტბის სანაპიროზე მიმდინარე დიდი მშენებლობისთვის.
ამჯერად აქციას ცნობილი მსახიობი დოროტია უდვაროსიც შეუერთდა. გარემოსდამცველმა აქტივისტებმა მშენებლობისკენ მიმავალ ერთადერთ გზაზე ჩამოკიდეს ბანერი წარწერით: „კმარა ბუნების განადგურება!“
დოროტია უდვაროსი აღნიშნავს, რომ ამ ტბის გარშემო უნიკალური ველური ბუნებაა. ბევრ პროფესიონალს მიაჩნია, რომ ეს ზედმეტად დიდი ინვესტიციაა და ამიტომ უნდა შეიცვალოს ტბაც და მისი ნაპირებიც. ეს კი სახიფათოა ტბის ეკოლოგიისთვის. მსახიობს მიაჩნია, რომ მშენებლობა თავად ტბასაც უქმნის საფრთხეს.
აქციას ავსტრიელი აქტივისტებიც შეუერთდნენ, ერთად მათ რამდენიმე ავტომობილის უკან გაბრუნება მოახერხეს, თუმცა „დავითისა და გოლიათის ბრძოლა“ ვერ შეაჩერეს.
გასული თვეების განმავლობაში ორგანიზაცია „გრინპისმა“ ყველა სამართლებლივ ხერხს მიმართა ეროვნული პარკის განადგურების თავიდან ასაცილებლად, თუმცა წარმატებას ვერ მიაღწია. მეწარმეთა პროსამთავრობო ჯგუფმა პროექტზე უკვე დახარჯა 45 მილიარდ ფორინტზე მეტი.
ფერტეს ტბა და მიმდებარე ტერიტორია ათიათასობით ფრინველის სახლია და იგი იუნესკოს მიერაც არის აღიარებული.
თუმცა მიუხედავად ამისა, 53 ჰექტარ მიწის ფართობზე 100-ნომრიანი სასტუმროს მშენებლობა მაინც მიმდინარეობს.
