„CDG სინდრომისა და აუტიზმის ფონდმა” პრეზენტაცია გამართა, რომლის მიზანია იშვიათი გენეტიკური დაავადებების, CDG სინდრომის, იგივე გლიკოზილირების თანდაყოლილი დარღვევისა და აუტიზმის მქონე ბავშვების, მოზარდების მხარდაჭერა და ცნობიერების ამაღლება ერთობლივი ძალისხმევის მნიშვნელობის ირგვლივ.
რა გამოწვევების წინაშე დგანან ბენეფიციარები და მათი ოჯახის წევრები, რა სახის მხარდაჭერას საჭიროებენ ისინი, რამდენად ძლიერია სტიგმა – ევრონიუს ჯორჯიას ეთერში „CDG სინდრომის და აუტიზმის ფონდის” დამფუძნებელმა და დირექტორმა, თათა ცინცაძემ და ფონდის ბენეფიციარებთან ურთიერთობის მიმართულების ხელმძღვანელმა, მარიამ ცინცაძემ ისაუბრეს.
