ნატოს წევრმა ქვეყანამ რუმინეთმა 3 ოქტომბერს თავდაცვის გერმანულ კომპანია „რაინმეტალთან“ ხელი მოაწერა შეთანხმებას ცენტრალურ რუმინეთში დენთის ქარხნის მშენებლობის თაობაზე იმ დროს, როდესაც ევროპა სულ უფრო მეტად პროვოკაციული რუსეთის წინაშე გადაიარაღებას ცდილობს.
შეთანხმების ხელმოწერის შემდეგ, პრემიერ-მინისტრმა ილიე ბოლოიანმა შეაქო რუმინეთის სახელმწიფოსა და ევროპის უმსხვილესი იარაღის მწარმოებელს შორის ერთობლივი საწარმო აგების გეგმა. მისი განცხადებით, ბრაშოვის ოლქის ქალაქ ვიქტორიაში 535 მილიონი ევროს ღირებულების ქარხნის მშენებლობა, სავარაუდოდ, 2026 წელს დაიწყება, მის დასრულებას სამი წელი დასჭირდება და დაახლოებით 700 ადგილობრივი სამუშაო ადგილი შეიქმნება.
„მრავალი წლის შემდეგ, როდესაც ჩვენს თავდაცვის ინდუსტრიაზე მოთხოვნა მცირე იყო, რუმინეთი აღმოსავლეთ ევროპაში უსაფრთხოებასთან დაკავშირებული სიტუაციის გამო ახალ ეტაპზე გადადის. როგორც იცით, ჩვენ ძალიან ახლოს ვართ იმ პროექტების დამკვიდრებასთან, რომლებიც შემუშავდება და დაფინანსდება ევროკავშირის SAFE პროგრამის მეშვეობით. დღეს ჩვენ ვასრულებთ მოლაპარაკებებს SAFE პროგრამის მეშვეობით ევროპული სახსრების ხელმისაწვდომობაზე და ველოდებით, რომ ეს მოლაპარაკებები ამ თვის მეორე ნახევარში დასრულდება“, – განაცხადა რუმინეთის პრემიერ-მინისტრმა ილიე ბოლოიანმა.
