შეერთებულმა შტატებმა ისრაელსა და „ჰამასს” შორის ომის შესახებ გაეროს უშიშროების საბჭოს წევრების მიერ ინიციირებულ რეზოლუციას ვეტო დაადო. რეზოლუციაში გაწერილია, რომ ისრაელმა დაუყოვნებლივ და უპირობოდ უნდა მოხსნას ყველა შეზღუდვა ღაზაში ჰუმანიტარული დახმარების შეტანაზე და უზრუნველყოს მისი უსაფრთხო და შეუფერხებელი განაწილება მოსახლეობისთვის, რომელსაც დახმარება სჭირდება.
ასევე მოითხოვენ დაუყოვნებლივ ცეცხლის შეწყვეტასა და „ჰამასისა“ და სხვა შეიარაღებული დაჯგუფებების მიერ დაკავებული ყველა მძევლის უპირობო გათავისუფლებას. გარდა ამისა, გენერალურმა მდივანმა 30 დღის განმავლობაში უნდა წარუდგინოს საბჭოს რეზოლუციის შესრულების შესახებ ანგარიში.
„კოლეგებო, აშშ-ის წინააღმდეგობა ამ რეზოლუციის მიმართ გასაკვირი არ იქნება. რეზოლუცია არ გმობს „ჰამასს“ და არ აღიარებს ისრაელის თავდაცვის უფლებას. ის „ჰამასის“ სასარგებლოდ აკანონებს ცრუ განცხადებებს, რომლებიც, სამწუხაროდ, ამ საბჭოში ვრცელდება. საბჭოს წევრებმა უგულებელყვეს ინიციატივა, როდესაც შეერთებულმა შტატებმა ნათლად განაცხადა, რომ ეს რეზოლუცია მიუღებელი იყო.
ეს აფართოებს „ჰამასის“ ტერორისტებისა და მათი დამფინანსებლებისა და მხარდამჭერების უფლებას და მატებს მათ დამატებით სიცოცხლისუნარიანობას. „ჰამასი“ პასუხისმგებელია ამ ომის დაწყებასა და გაგრძელებაზე. ისრაელმა მიიღო შემოთავაზებული პირობები, რომლებიც ომს დაასრულებდა, მაგრამ „ჰამასი“ კვლავ უარყოფს მათ. ეს ომი შეიძლება დღესვე დასრულდეს, თუ „ჰამასი“ გაათავისუფლებს მძევლებს და დაყრის იარაღს“, – განაცხადა გაეროში შეერთებული შტატების მისიის მრჩეველმა, მორგან ორტაგუსმა.
