საქართველოს ჟურნალისტური ეთიკის ქარტია აცხადებს, რომ არ ჩაატარებს 2025 წლის 4 ოქტომბრის ადგილობრივი თვითმმართველობის არჩევნებამდე პერიოდის მედიამონიტორინგს.
ორგანიზაციის განცხადებაში წერია, რომ გადაწყვეტილება მიღებულია „ქართული ოცნების“ საკანონმდებლო ცვლილებებისა და პარტიის მიერ „მედიის მიმართ დამაზაიანებელი პოლიტიკის“ გამო.
„ქართული ოცნების“ მეცადინეობით ქარტიამ დაკარგა წვდომა იმ დასავლელი დონორების ფინანსებზე, რომელთა მხარდაჭერითაც ქარტია წლების განმავლობაში ახორციელებდა მედიამონიტორინგის მასშტაბურ და კომპლექსურ პროექტებს.
მედიაკონტენტის მონიტორინგი, რომელიც იძლევა არჩევნების სამართლიანობის შესაფასებლად საყურადღებო ინფორმაციას, მნიშვნელოვანია თავად მედიასაშუალებებისთვისაც, შეცდომების დასანახად და სამომავლოდ მათი გამოსწორებისთვის.
საერთაშორისო ექსპერტების ხელშეწყობით შემუშავებული მეთოდოლოგიის გამოყენებით, საარჩევნო კონტენტის მონიტორინგი ქარტიამ პირველად 2012 წლის საპარლამენტო არჩევნების დროს განახორციელა, ხოლო ბოლოს – 2024 წლის საპარლამენტო არჩევნების წინ…“ – წერია საქართველოს ჟურნალისტური ეთიკის ქარტიის მიერ გავრცელებულ განცხადებაში.
ორგანიზაცია ასევე აცხადებს, რომ გააგრძელებს „საბაზისო ფუნქციების შესრულებას მოხალისეობრივ საწყისებზე“ და კვლავ განიხილავს მოქალაქეთა განცხადებების განხილვას პროფესიული სტანდარტების დარღვევაზე.
