Reuters-ის ინფორმაციით, შვედეთი, ნორვეგია და დანია NATO-ს ეგიდით ორგანიზებულ ინიციატივაში 450 მილიონ ევროს გამოყოფენ.
ეს თანხა განკუთვნილი იქნება უკრაინისთვის „პეტრიოტის“ სისტემების მისაწოდებლად და უკრაინის თავდაცვითი შესაძლებლობების გასაძლიერებლად. დანიის წილი დაახლოებით 78 მილიონი ევროა, ნორვეგიის კი – 126.
NATO-ს მიერ შექმნილი „უკრაინის პრიორიტეტული მოთხოვნების სიის“ ინიციატივა ევროპული სახელმწიფოებისა და კანადის მიერაა დაფინანსებული და მიზნად ისახავს უკრაინისთვის საჰაერო თავდაცვისა და ტანკსაწინააღმდეგო სისტემების მიწოდებას. მონაწილე ქვეყნები 450 მილიონი ევროს ღირებულების პაკეტებს გამოყოფენ.
4 აგვისტოს ნიდერლანდები გახდა პირველი ქვეყანა, რომელმაც მონაწილეობის ფარგლებში 450 მილიონი ევრო გამოყო.
