ამერიკის შეერთებულ შტატებში სმითსონის ეროვნული ზოოპარკის ერთ-ერთი პანდა სახელად ბაო ლი, ორშაბათს ოთხი წლის გახდა. დაბადების დღის აღსანიშნად ეროვნულმა ზოოპარკმა პანდას საჩუქრად ხილის ნაყინის ტორტი მიუტანა.
სმითსონის ზოოპარკში ბაო ლისთვის ეს პირველი დაბადების დღეა. ის ვაშინგტონის ზოოპარკში შარშან სამი წლის პანდასთან, ქინ ბაოსთან ერთად გადაიყვანეს. სმითსონის ზოოპარკი გიგანტური პანდების გადარჩენის კუთხით ჩინეთის ველური ბუნების დაცვის ასოციაციასთან თანამშრომლობს.
იუბილარი პანდას ხილვა ზოოპარკის სტუმრებსაც შეეძლოთ. ასევე ზოოპარკის ვებგვერდზე ხელმისაწვდომი იყო ვიდეო, სადაც ჩანდა როგორ მიირთმევდა ბაო ლი ხილის ნაყინის ტორტს.
