„რუსეთი ყველაფერში დებს ინვესტიციას, რაც ჩვენი ევროპული ცხოვრების წესს ეწინააღმდეგება“ – ვოლოდიმირ ზელენსკი

დანიამ ევროკავშირის თავმჯდომარეობა ოფიციალურად გადაიბარა. ქალაქ ორჰუსში გამართულ ცერემონიას უკრაინის პრეზიდენტიც დაესწრო. ვოლოდიმირ ზელენსკიმ სიტყვით გამოსვლისას თქვა, რომ საჭიროა, კიდევ უფრო მკაცრი სანქციები რუსეთის წინააღმდეგ და კიდევ უფრო მეტი სამხედრო დახმარება უკრაინისთვის.

უკრაინის პრეზიდენტმა ცერემონიაზე სიტყვით გამოსვლისას ევროპას თავდაცვის ინდუსტრიის შემდგომი განვითარებისკენ მოუწოდა.

I met with Prime Minister of Denmark Mette Frederiksen @Statsmin, President of the European Council António Costa @eucopresident, and President of the European Commission Ursula @vonderleyen on the occasion of Denmark’s assumption of the Presidency of the Council of the European… pic.twitter.com/YRrI6dRGXv

— Volodymyr Zelenskyy / Володимир Зеленський (@ZelenskyyUa) July 3, 2025

„ევროპაში ყველა ნათლად ხედავს ამას, რუსეთი ყველაფერში დებს ინვესტიციას, რაც ჩვენი ევროპული ცხოვრების წესს ეწინააღმდეგება. სწორედ ამიტომ არ უნდა მივცეთ მათ გამარჯვების უფლება. გვჭირდება უკრაინისთვის სტაბილური თავდაცვის მხარდაჭერა. უნდა განვავითაროთ ევროპის თავდაცვის ინდუსტრია, რათა რუსეთმა ვერცერთ სფეროში ვერ დაგვამარცხოს. ეს ყველაფერი სასიცოცხლოდ მნიშვნელოვანია ევროპის უსაფრთხოებისთვის“, – განაცხადა ვოლოდიმირ ზელენსკიმ.

ევროკომისიის პრეზიდენტმა ურსულა ფონ დერ ლაიენმა განაცხადა, რომ ბლოკი მალე რუსეთის წინააღმდეგ სანქციების ახალ პაკეტს მიიღებს უკრაინის წინააღმდეგ ომის საპასუხოდ.

Dear @ZelenskyyUA, Europe will continue to stand firmly by your side.

For a just and lasting peace.

For a sovereign nation that shapes its own future.

For a country that belongs in the European Union ↓ https://t.co/gxFRA6dy5c

— Ursula von der Leyen (@vonderleyen) July 3, 2025

„ჩვენ ვაგრძელებთ ზეწოლას რუსეთზე და მალე მივიღებთ სანქციების მე-18 პაკეტს. ჩვენ აუცილებლად დავაჩქარებთ თქვენს გაწევრებას ევროკავშირში, რადგან უკრაინის მომავალი ნამდვილად ევროკავშირის გულშია“, – უპასუხა ევროკომისიის პრეზიდენტმა ურსულა ფონ დერ ლაიენმა ვოლოდიმირ ზელენსკის.