აზერბაიჯანის პრეზიდენტი ილჰამ ალიევი ოფიციალური ვიზიტით პეკინს ეწვია. ის უკვე შეხვდა ჩინეთის სახალხო რესპუბლიკის ლიდერ სი ძინ პინს, რომელთანაც ორ ქვეყანას შორის სტრატეგიული პარტნიორობის გაღრმავების საკითხი განიხილა, როგორც სავაჭრო-ეკონომიკური, ისე პოლიტიკური მიმართულებით.
მოლაპარაკებების დასრულების შემდეგ ილჰამ ალიევმა და სი ძინ პინმა ხელი მოაწერეს რამდენიმე დოკუმენტს, მათ შორის აზერბაიჯანსა და ჩინეთს შორის სავიზო პროცედურების გამარტივებისა და მწვანე შეთანხმების შესახებ საკითხებს.
President Xi Jinping held talks with Azerbaijani President Ilham Aliyev @presidentaz.
The two Presidents announced the establishment of a comprehensive strategic partnership between China and Azerbaijan.
President Xi noted that tariff and trade wars harm the legitimate rights… pic.twitter.com/PByT7x4REp
— Mao Ning 毛宁 (@SpoxCHN_MaoNing) April 23, 2025
სამდღიანი ვიზიტის ფარგლებში დაგეგმილია აზერბაიჯანის ხელისუფლების წარმომადგენლების შეხვედრა ჩინეთის სახალხო რესპუბლიკის მაღალჩინოსნებთან და 2024 წლის ივლისში გაფორმებული „სტრატეგიული პარტნიორობის“ გაუმჯობესების გზებზე საუბარი.
ვიდრე ილჰამ ალიევი პეკინს ეწვეოდა, აზერბაიჯანული სამთავრობო მედია აცხადებდა, რომ 22 აპრილს აზერბაიჯანის ენერგეტიკის სამინისტრომ და ჩინეთის სახელმწიფო კომპანიებმა ენერგოსფეროს მიმართულებით რამდენიმე შეთანხმება გააფორმეს.
21 აპრილს აზერბაიჯანის პრეზიდენტმა ჩინეთის სახელმწიფო მედიასთან საუბრისას განაცხადა, რომ „საერთო ღირებულებების“ გათვალისწინებით ორმა ქვეყანამ უნდა იზრუნოს ყოვლისმომცველი პარტნიორობის განმტკიცებაზე.
