დევნილებისთვის სათანადო საცხოვრებელი, მათი ფიზიკური და სოციალური უსაფრთხოების, უფლებებისა და ღირსების დაცვის ერთ-ერთი ფუნდამენტური საკითხია, თუმცა დევნილთა თითქმის ნახევარი, უკვე 30 წელზე მეტია, საცხოვრებლით დაკმაყოფილების მოლოდინშია.
წლების განმავლობაში, ადგილობრივმა თუ საერთაშორისო ორგანიზაციებმა არაერთი კვლევა ჩაატარეს და შესაბამისი რეკომენდაციებიც გასცეს, თუმცა, მათივე შეფასებით, სახელმწიფო ვერ ასრულებს ამ რეკომენდაციებს და სათანადოდ ვერ იცავს იძულებით გადაადგილებულ პირთა უფლებებს.
როგორია სახელმწიფოს პოლიტიკა იძულებით გადაადგილებდა პირთა განსახლებასთან დაკავშირებით, რა ხარვეზებს ხედავენ ამ საკითხზე მომუშავე ორგანიზაციები, რა გამოწვევებისა და პრობლემების წინაშე დგანან დღეს დევნილები საქართველოში და რა პირობებში უწევთ ცხოვრება საოკუპაციო ხაზის მიმდებარე ტერიტორიაზე მყოფ მოქალაქეებს – ევრონიუს ჯორჯიას ეთერში „სოციალური სამართლიანობის ცენტრის” თანადამფუძნებელმა თამთა მიქელაძემ ისაუბრა.
