არასამთავრობო ორგანიზაცია სამართლიანი არჩევნები აქვეყნებს 27 აგვისტოდან 20 სექტემბრის ჩათვლით ანგარიშს, რომელშიც განხილულია წინასაარჩევნო გარემო სოციალურ ქსელში.
ანგარიშის მიხედვით, ონლაინ პოლიტიკური კამპანიების საწარმოებელ მთავარ სივრცედ კომპანია Meta-ის კუთვნილი პლატფორმა ფეისბუკი რჩება, თუმცა წინასაარჩევნოდ საგრძნობლად გაზრდილია ტიკტოკის როლი. იმის გათვალისწინებით, რომ ქართულ კონტექსტში ტიკტოკი დეზინფორმაციის მიმართულებით ნაკლებად რეგულირებული სივრცეა, ანონიმური აქტორები ამ პლატფორმაზე უფრო მარტივად, ნაკლები შეზღუდვებით ავრცელებენ მანიპულირებულ ინფორმაციას.
კვლევაზე უფრო დეტალურად ევრონიუს ჯორჯიას ეთერში „სამართლიანი არჩევნების” უფროსმა მკვლევარმა შოთა ნარსიამ ისაუბრა.
