საქართველოს სტატისტიკის ეროვნული სამსახურის ინფორმაციით, ქვეყანაში 2024 წელს სექტემბერში წინა თვესთან შედარებით ინფლაციის დონემ 0.3%, ხოლო წლიური ინფლაციის დონემ 0.6% შეადგინა.
საქსტატის ცნობით, ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:
განათლება, სადაც ფასები 4.4%-ით გაიზარდა,
ტანსაცმელი და ფეხსაცმელი – ამ ჯგუფში ფასები გაიზარდა 3.3%-ით,
სურსათი და უალკოჰოლო სასმელები, სადაც ფასები შემცირდა 0.3%-ით და ტრანსპორტი – ამ ჯგუფში თვიურ ჭრილში ფასები 0.4%-ით შემცირდა.
რაც შეეხება წლიურ ინფლაციას, აქ ტრანსპორტის ჯგუფში ფასები 4.3%-ით გაიზარდა. წლიურ ჭრილში ფასები ასევე გაზრდილია ალკოჰოლურ სასმელებზე, თამბაქოზე, სასტუმროების, კაფეებისა და რესტორნების ჯგუფში, ხოლო ფასების შემცირება დაფიქსირდა კავშირგაბმულობის ჯგუფში, 12.8%-ით.
