შვეიცარიის რამდენიმე მუნიციპალიტეტში გასულ უქმეებზე უამინდობამ წყალმოვარდნები და მეწყრული პროცესები გამოიწვია. დაიღუპა სამი ადამიანი, თუმცა პოლიციაში აცხადებენ, რომ მსხვერპლთა რაოდენობა შესაძლოა კიდევ გაიზარდოს. მეცნიერები ბუნებრივი კატაკლიზმების გახშირებას კლიმატის ცვლილებას უკავშირებენ.
გასულ შაბათ-კვირას ჩრდილოეთ შვეიცარიაში, ტიჩინოში, წყალდიდობის შედეგად 3 ადამიანი დაიღუპა, დაზიანდა ინფრასტრუქტურა. ფედერალური კანცლერის ინიაციო კასისის თქმით, შვეიცარიაში შტორმებით გამოწვეული მეწყრული პროცესები და წყალდიდობები იმის მანიშნებელია, როგორი დაუცველია ქვეყანა ბუნებრივი კატაკლიზმების თვალსაზრისით.
Die schweren Gewitter haben in mehreren Regionen der 🇨🇭grosse Schäden verursacht. Im Tessin werden Personen vermisst. Meine Gedanken sind bei den betroffenen Menschen. Die Situation bleibt angespannt. Bitte passen Sie auf sich auf und befolgen Sie die Anweisungen der Behörden.
— Viola Amherd (@Violapamherd) June 30, 2024
შვეიცარიის პრეზიდენტმა ვიოლა ამერდმა სოციალურ ქსელში დაწერა, რომ ქვეყანაში რთული მდგომარეობაა. პოლიცია მოქალაქეებს სიფრთხილისკენ მოუწოდებს. ტიჩინოს პოლიციის უფროსი ანტონიო ჩიოკო ვარაუდობს, რომ მსხვერპლის რაოდენობა კიდევ უფრო გაიზრდება.
უამინდობაა მეზობელ ქვეყნებშიც. მკვლევართა აზრით, ასეთი ამინდები კლიმატის ცვლილებითაა გამოწვეული. წყალდიდობების, ჭექა-ქუხილისა და მეწყრული პროცესების გამო დაახლოებით 200 მოქალაქე გაიყვანეს იტალიის ჩრდილოეთის რეგიონის დასახლებებიდან.
