რომის პაპი ფრანცისკე სანტა-მარია-მაჯორეს ბაზილიკაში დაკრძალეს.
მორწმუნეებმა და მსოფლიო ლიდერებმა უკანასკნელ გზაზე გააცილეს პონტიფიკოსი, რომელიც 21 აპრილს 88 წლის ასაკში გარდაიცვალა.
წინასწარი მონაცემებით, ცერემონიას დაახლოებით 400 000 მორწმუნე ესწრებოდა, ხოლო წმინდა პეტრეს მოედანზე 166 საერთაშორისო დელეგაციის წარმომადგენელი იმყოფებოდა.
ევრონიუსი ფოტოებით მოგიყვებათ ამბავს, რომელიც უპოვრებზე მზრუნველი და თავმდაბლობით გამორჩეული პაპის დაკრძალვის ცერემონიას ასახავს.
სხვადასხვა ქვეყნის მეთაურები და ხელისუფლების წარმომადგენლები ესწრებოდნენ დაკრძალვის ცერემონიას, რომელიც ამავე დროს დიპლომატიური შეხვედრის ადგილადაც იქცა. აშშ-ის პრეზიდენტი დონალდ ტრამპი ემანუელ მაკრონსა და ვოლოდიმირ ზელენსკის გაესაუბრა. ამის შემდეგ ტრამპი იტალიის პრემიერ-მინისტრ ჯორჯია მელონისაც გამოელაპარაკა.
