„სტრასბურგის საქმეები, რომლებიც ამხელს ქართულ მართლმსაჯულებაში არსებულ უსამართლობასა და შემსრულებელ მოსამართლეებს” – „საქართველოს ახალგაზრდა იურისტთა ასოციაციის” კვლევა, რომელშიც დეტალურადაა გაანალიზებული ადამიანის უფლებათა ევროპული სასამართლოს მიერ საქართველოს წინააღმდეგ დადგენილი ფუნდამენტური უფლებების დარღვევის ფაქტები.
საიაში აცხადებენ, რომ ამ საქმეებზე პასუხისმგებელ მოსამართლეთა ნაწილი დღემდე აგრძელებს საქმიანობას სასამართლო სისტემაში, ბევრი მათგანი კი დაწინაურებულია.
კვლევის მთავარ მიგნებებზე ევრონიუს ჯორჯიას ეთერში „საქართველოს ახალგაზრდა იურისტთა ასოციაციის” ანალიტიკოსმა თაზო კირტავამ ისაუბრა.
