სუმის რეგიონში მდებარე ქალაქ ოხტირკაზე მიტანილი საჰაერო იერიშის შედეგად, დაზიანდა რამდენიმე საცხოვრებელი სახლი, მაღაზია და ადმინისტრაციული შენობა.
საგანგებო სიტუაციების მართვის სამსახურის თანამშრომლებმა ადგილობრივი მოსახლეობა შემთხვევის ადგილიდან გაიყვანეს. თავდასხმა იყო ასევე კრივი-რიჰის, ჩერკასისა და კიროვოჰრადის რეგიონებზეც. გარდაცვლილთა შესახებ ინფორმაცია არ გავრცელებულა.
უკრაინის საჰაერო ძალებმა დაადასტურეს, რომ რუსეთმა 26 მარტის ღამით უკრაინის მიმართულებით „შაჰედის“ ტიპის 117 დრონი გაუშვა. უკრაინული მხარის ცნობით, მათგან 56 განადგურდა, ხოლო 48 სპეციალური მოწყობილობით გაანეიტრალეს.
ბოლო კვირების განმავლობაში ეს ერთ-ერთი ყველაზე მასშტაბური შეტევაა დრონებით, რაც იმას ნიშნავს, რომ სამოქალაქო ინფრასტრუქტურასა და სამხედრო სამიზნეებს მთელი ქვეყნის მასშტაბით ემუქრება საფრთხე. იერიშებისგან დაცული არ არის არც ფრონტის ხაზიდან მოშორებით მდებარე ქალაქები და დასახლებები.
ხელისუფლება მოქალაქეებს მოუწოდებს, მუდმივად იყვნენ მობილიზებული, რადგან რუსეთი აძლიერებს ავიაიერიშებს უპილოტო აპარატებით, რომელთა სამიზნე კრიტიკული ინფრასტრუქტურა და საცხოვრებელი რაიონებია.
