ბრიუსელში ნატოს შტაბ-ბინაში ალიანსის წევრი და პარტნიორი ქვეყნები უკრაინის დახმარების საჭიროებებზე მსჯელობენ. უკრაინის თავდაცვის საკონტაქტო ჯგუფის 26-ე შეხვედრას გაერთიანებული სამეფო ხელმძღვანელობს.
საქართველოს თავდაცვის სამინისტროს ცნობით, ბელგიის სამეფოში იმყოფება ირაკლი ჩიქოვანიც. შეხვედრას ალიანსის წევრი და პარტნიორი ქვეყნების თავდაცვის უწყებების ხელმძღვანელები და უმაღლესი რანგის ოფიციალური პირები დაესწრნენ. შეხვედრა გაერთიანებული სამეფოს თავდაცვის სახელმწიფო მდივანმა ჯონ ჰილიმ გახსნა.
Great to welcome 🇺🇸 @SecDef Pete Hegseth for your first meeting at #NATO. We’ve got work to do to make sure the Alliance stays strong. This means increasing defence spending, ramping up production, and Europe doing more to support Ukraine. pic.twitter.com/e3YhBo8EN5
— Mark Rutte (@SecGenNATO) February 13, 2025
მაღალი რანგის ოფიციალურ პირებს სიტყვით აშშ-ის ახალმა თავდაცვის მდივანმა პიტ ჰეგსეტმა მიმართა. კონფერენციის მონაწილეებმა უკრაინაში მიმდინარე ომი განიხილეს.
ამ ფორმატის შეხვედრებს ამერიკის შეერთებული შტატების ინიციატივით 2022 წლის აპრილში ჩაეყარა საფუძველი.
