მთავარიამერიკააშშკალიფორნიაში ტყის ხანძრის ახალი კერა გაჩნდა

კალიფორნიაში ტყის ხანძრის ახალი კერა გაჩნდა

კალიფორნიის ქალაქ ოქსნარდში, რომელიც ვენტურის ოლქში და ლოს-ანჯელესის გვერდით მდებარეობს, ტყის ხანძრის ახალი კერაა. ხანძარი გვიან ღამით, ერთ-ერთი დამშრალი მდინარის კალაპოტში გაჩნდა. ბოლო ინფორმაციით, ცეცხლი ოლქის აგრონომიულ არეალსაც მოედო. მეხანძრეები ყველა საშუალებით ცდილობენ ხანძრის ჩაქრობას. ვითარება შესაძლოა გაუარესდეს, რადგან, სინოპტიკოსების თქმით, ქვეყანაში  ძლიერი ქარია მოსალოდნელი.

ხანძრის შედეგად დამწვარი მანქანები წყნარი ოკეანის სანაპიროსთან, კალიფორნია, აშშ, 14 იანვარი, 2025 წელი Copyright AP Photo/Carolyn Caster

მეტეოროლოგიური სამსახურის ინფორმაციით, კალიფორნიის სამხრეთ ნაწილში ქარი სამშაბათს გაძლიერდა და, სავარაუდოდ, დღის ბოლომდე შენარჩუნდება. ვარაუდობენ, რომ  ქარის სიჩქარე ქარიშხლის საგანგაშო მაჩვენებელს არ მიაღწევს, თუმცა, ოლქის სახანძრო სამსახურის უფროსის თქმით, შესაძლოა, შეიქმნას იმის საჭიროება, რომ ხანძარსაწინააღმდეგო თვითმფრინავის მუშაობა შეაჩერონ.

ოლქში დამატებითი წყლის ავზები და სამაშველო და სახანძრო ჯგუფები გაგზავნეს.  საფრთხის შემცველ ადგილებზე მცირე ნაპერწკალმაც კი შესაძლოა ტყის ხანძრის ახალი კერა წარმოშვას.

უახლესი

სხვა ამბები

spot_imgspot_img
Send this to a friend