გუშინ, 10 დეკემბერს, რუსეთმა ქალაქ ზაპორიჟიის კერძო კლინიკაზე მიიტანა საჰაერო იერიში, რომლის შედეგადაც სამი ადამიანი დაიღუპა, ხოლო 20 დაშავდა, რამდენიმეს მდგომარეობა მძიმეა. დაღუპულთა შორის არიან ექიმები, ასევე ხუთი წლის გოგონა. იერიშის შედეგად დაზიანდა მიმდებარე შენობებიც.
უკრაინის პრეზიდენტმა ვოლოდიმირ ზელენსკიმ პლატფორმა X-ზე საჰაერო იერიშის შესახებ დაწერა. მისი თქმით, ეს თავდასხმა ადასტურებს, თუ რამდენად სჭირდება უკრაინას საჰაერო თავდაცვის სისტემები. კიევმა ყველა საჭირო მოთხოვნა პარტნიორებს უკვე წარუდგინა.
A rescue operation is currently underway in Zaporizhzhia after a Russian ballistic missile strike that hit city buildings.
I have already spoken with the Commander-in-Chief about what is needed to enhance the safety of our cities. We are speaking with all our partners about… pic.twitter.com/2A5AKCG1xP
— Volodymyr Zelenskyy / Володимир Зеленський (@ZelenskyyUa) December 10, 2024
რუსეთის თავდასხმა მოჰყვა ვოლოდიმირ ზელენსკის განცხადებას, რომლის მიხედვით, უკრაინა მზად არის თავის ტერიტორიაზე დასავლეთის ჯარები განალაგოს, რაც, ზელენსკის აზრით, ნატოში გაწევრებას ერთი ნაბიჯით დააახლოებს.
პარალელურად, რუსეთმა ბალისტიკური რაკეტით იერიში მიიტანა ხარკივის რეგიონის ქალაქ ზლატოპილზე. დაშავდა 11 ადამიანი. ადგილობრივი ხელისუფლების ცნობით, დაზიანდა ადმინისტრაციული შენობა და 16 საცხოვრებელი კორპუსი.
