მეცხრე დღეა, ქუთაისში საპროტესტო აქცია იმართება. მერიის წინ ყოველდღიურად იკრიბებიან სამოქალაქო აქტივისტები, სტუდენტები, მოსწავლეები, სხვადასხვა პროფესიის წარმომადგენლები.
აქციის მონაწილეები ქვეყნისთვის ევროპული კურსის დაბრუნებასა და ხელახალი არჩევნების ჩატარებას ითხოვენ.
5 დეკემბერს ქუთაისში აქციაზე დააკავეს 17 წლის ახალგაზრდა, რომელიც ზესტაფონის იზოლატორში გადაიყვანეს. მისი სასამართლო პროცესი 7 დეკემბერს უნდა გაიმართოს. ასევე 5 დეკემბრის აქციაზე ორი ადამიანი მოყვა ჭყლეტაში, თუმცა მათ ჯანმრთელობას საფრთხე არ ემუქრება.
ბოლო 9 დღეა, ქუთაისში მოქალაქეები საკუთარ აზრს ხმამაღლა გამოხატავენ. ისინი ამბობენ, რომ ქვეყნის მომავალი ევროკავშირშია და საქართველო არასდროს დაბრუნდება რუსეთში.
