Human Rights Watch-ს ანგარიშის მიხედვით, ისრაელის სამხედროები პასუხისმგებელი არიან ღაზაში მყოფი პალესტინელების მიზანმიმართულ, იძულებით გადაადგილებაზე.
ჰუმანიტარული ჯგუფი აცხადებს, რომ მათ აქვთ მტკიცებულებები, რომ ისრაელელთა ქმედებებმა ღაზის მოსახლეობის 90 პროცენტის იძულებით გადაადგილება გამოიწვია, რაც, თავის მხრივ, ომის დანაშაულს წარმოადგენს. მათი აზრით, ისრაელის მთავრობის წევრების განზრახვაა, რომ პალესტინელებმა ვერ შეძლონ სახლებში დაბრუნება.
Israeli authorities are responsible for crimes against humanity in Gaza.
New HRW report examines how Israeli authorities’ conduct has led to the displacement of over 90% of Gaza’s population and widespread destruction.
Read the full report: https://t.co/NdvymRim6A pic.twitter.com/xNRaaztM1c
— Human Rights Watch (@hrw) November 14, 2024
Human Rights Watch-ის წარმომადგენლის ნადია ჰარდმანის თქმით, საკუთარი მიწიდან იძულებით განდევნილ პალესტინელთა რაოდენობა, განდევნის ფორმები და ის, რომ მათთვის, ფაქტობრივად, შეუძლებელია სახლებში დაბრუნება, კაცობრიობის წინაშე ჩადენილი დანაშაულია.
ეს ეხება იმ ადგილებს, სადაც ისრაელის თავდაცვის ძალებმა სამხედრო ოპერაციები ჩაატარეს. Human Rights Watch მიიჩნევს, რომ ის, რასაც ისრაელის ხელისუფლება სჩადის, ეთნიკურ წმენდას უტოლდება.
ორგანიზაციის ანგარიში გამოქვეყნდა ჩრდილოეთ ღაზაში ისრაელელთა მიმდინარე სამხედრო კამპანიის დროს, როდესაც დამატებით ასიათასობით პალესტინელი იძულებით გადაადგილებულ პირად იქცა.
Human Rights Watch-მა ისრაელის მიერ გაცემული ევაკუაციის ბრძანებებიც გააანალიზა და განაცხადა, რომ ის არ შეესაბამება ომის კანონებს, რადგან არ უზრუნველყოფს უსაფრთხო მარშრუტებსა და თავშესაფარს პალესტინელებისთვის.
