საგარეო და უსაფრთხოების საკითხებში ევროკავშირის უმაღლესი წარმომადგენელი ჯოზეფ ბორელი სავარაუდო საარჩევნო დარღვევების გამჭვირვალე გამოძიებას ითხოვს.
ჯოზეფ ბორელის თქმით, საერთაშორისო დამკვირვებლებს 26 ოქტომბრის საპარლამენტო არჩევნები არ გამოუცხადებიათ, როგორც თავისუფალი და სამართლიანი.
„საქართველოს ცენტრალურმა საარჩევნო კომისიამ და შესაბამისმა ორგანოებმა უნდა გამოიძიონ დარღვევები, ზეწოლა და დაშინება ამომრჩევლებზე, რაც გავლენას ახდენს პროცესისადმი საზოგადოების ნდობაზე”, – ვკითხულობთ ჯოზეფ ბორელის განცხადებაში.
“[People of Georgia] deserve clarity on the election process, to have certainty about the legitimacy of the next government.”
Statement by HR/VP @JosepBorrellF on the latest developments following the Parliamentary elections in Georgia.
Read more: https://t.co/4qJzGDzVjO
— European External Action Service – EEAS 🇪🇺 (@eu_eeas) October 29, 2024
ევროკავშირის უმაღლესი წარმომადგენელი აცხადებს, რომ საქართველოში არსებული ვითარების სასწრაფოდ განსახილველად პოლიტიკისა და უშიშროების კომიტეტი მოიწვია.
მისივე განცხადებით, საკითხი შეტანილია ნოემბერში დაგეგმილი საგარეო საქმეთა საბჭოს დღის წესრიგშიც.
„ქართველი ხალხი იმსახურებს სიცხადეს საარჩევნო პროცესთან დაკავშირებით, რათა დარწმუნდნენ მომავალი მთავრობის ლეგიტიმურობაში. მნიშვნელოვანია, რომ საპროტესტო აქციები და მათზე ხელისუფლების რეაგირება მშვიდობიანი დარჩეს. ქვეყანაში დემოკრატიული უკუსვლა უნდა შეიცვალოს და უზრუნველყოფილი იყოს ხელსაყრელი გარემო მედიისთვის, სამოქალაქო საზოგადოებისა და ოპოზიციისთვის, რომლებიც ქმნიან პლურალისტურ, დემოკრატიულ საზოგადოებას“, – წერია ჯოზეფ ბორელის მიერ გამოქვეყნებულ განცხადებაში.
