უკრაინის პრეზიდენტი ვოლოდიმირ ზელენსკი ევროპის დედაქალაქებში მოგზაურობისას მოკავშირეებს ,,გამარჯვების გეგმას“ წარუდგენს.
უკრაინა ითხოვს დასავლელი ლიდერების თანხმობას, გამოიყენოს მათი იარაღი რუსეთის ტერიტორიაზე არსებულ სამიზნეებზე დასარტყმელად. ევროპული ტურნეს ფარგლებში ვოლოდიმირ ზელენსკი რომში ჩავიდა.
ვიზიტი მიზნად ისახავს დასავლეთის ქვეყნებიდან მეტი ფინანსური და სამხედრო მხარდაჭერის უზრუნველყოფას, ექსპერტების ვარაუდით, 2022 წლის სრულმასშტაბიანი ომის დაწყების შემდეგ უკრაინას ყველაზე მკაცრი ზამთარი ელის.
რომში ვიზიტამდე ის იმყოფებოდა დიდ ბრიტანეთში, სადაც პრემიერ-მინისტრ კირ სტარმერსა და ნატოს გენერალურ მდივანს მარკ რუტეს შეხვდა.
Great to meet with @Keir_Starmer & @ZelenskyyUa in London this morning. We discussed the importance of stepping up support to #Ukraine. I also welcome that 🇬🇧 is committed to increasing defence spending to 2.5% of GDP. pic.twitter.com/WutIIdqM8L
— Mark Rutte (@SecGenNATO) October 10, 2024
ზელენსკი გეგმავდა, გერმანიაში მოკავშირეებისთვის „გამარჯვების გეგმა“ შაბათ-კვირას წარედგინა, თუმცა შეხვედრა გადაიდო, რადგან აშშ-ს პრეზიდენტ ჯო ბაიდენს ვიზიტის გაუქმება მოუწია. ვოლოდიმირ ზელენსკი პარიზში ეწვია საფრანგეთის პრეზიდენტს ემანუელ მაკრონსაც, რომელმაც კიდევ ერთხელ აღნიშნა, რომ საფრანგეთი მხარს უჭერს უკრაინას.
ამჟამად ზელენსკი რომში იმყოფება, ის უკვე შეხვდა იტალიის პრემიერ ჯორჯა მელონის. მოგვიანებით ისინი შეუერთდნენ პრესკონფერენციას, რომლის დროსაც მელონიმ კიდევ ერთხელ დაადასტურა იტალიის მხარდაჭერა უკრაინისადმი როგორც სამხედრო, ისე ენერგეტიკის სექტორში.
I presented the Victory Plan to the President of the Council of Ministers of Italy, @GiorgiaMeloni. We had a very productive discussion today, covering all aspects of the Plan. The key is to strengthen Ukraine’s positions and relations with our closest partners, ensuring we… pic.twitter.com/qySYMPBNc2
— Volodymyr Zelenskyy / Володимир Зеленський (@ZelenskyyUa) October 10, 2024
დასავლური იარაღის გამოყენება რუსეთის ტერიტორიაზე ევროპელი ლიდერებისთვის საკამათო საკითხია. მათ შორის არის იტალიის მთავრობა, რომელიც ეწინააღმდეგებოდა რუსეთში იტალიური იარაღის გამოყენებას.
ზელენსკი აპირებს რომის პაპ ფრანცისკესთან აუდიენციას ვატიკანში. მოგვიანებით იგი გაემგზავრება გერმანიაში კანცლერ შოლცთან შესახვედრად.
