უკრაინის პრეზიდენტი ვოლოდიმირ ზელენსკი ცდილობს, მოიზიდოს დამატებითი უცხოური სამხედრო ინვესტიცია და საერთაშორისო დახმარება.
ზელენსკი 2 ოქტომბერს, თავდაცვის ინდუსტრიების საერთაშორისო ფორუმზე, შეიარაღების მწარმოებელი წამყვანი კომპანიების ხელმძღვანელებს შეხვდა. მათ თანამშრომლობის გაღრმავებისა და უკრაინის თავდაცვის სექტორის გაძლიერების საკითხები განიხილეს.
ზელენსკი ასევე შეხვდა შეერთებული შტატების საერთაშორისო განვითარების სააგენტოს ადმინისტრატორს სამანტა პაუერს და კიდევ ერთხელ გაამახვილა ყურადღება მომავალი ზამთრის ფონზე აშშ-ის მხარდაჭერის მნიშვნელობაზე.
I had a meeting with USAID Administrator Samantha Power @PowerUSAID. We discussed protecting our people, bolstering our resilience ahead of the winter season—restoring infrastructure in Ukraine, strengthening our energy system, and constructing school shelters.
We deeply… pic.twitter.com/BjVMHts4fo
— Volodymyr Zelenskyy / Володимир Зеленський (@ZelenskyyUa) October 2, 2024
მხარეებმა განიხილეს იმ პროექტების განხორციელების საკითხი, რომლებიც უკრაინის ენერგოქსელის გაძლიერებას, კრიტიკული ინფრასტრუქტურის აღდგენას, თავდაცვის სისტემების გაძლიერებასა და ასევე სკოლებში თავშესაფრების მშენებლობას ისახავს მიზნად. ამის შესახებ მან თავის ყოველდღიურ მიმართვაში ისაუბრა.
ზელენსკის თქმით, ზამთრის მოახლოების ფონზე, ძალიან მნიშვნელოვანია დაჩქარდეს ყველა პროექტის განხორციელება, იქნება ეს დამცავი ენერგეტიკული თუ საზოგადოებრივი უსაფრთხოების პროექტები სკოლებისა და საავადმყოფოებისთვის.
უკრაინის პრეზიდენტმა ასევე ისაუბრა „შაჰედის“ დრონების განეიტრალების აუცილებლობაზე. მისი თქმით, რუსეთი პირველ ოქტომბერს ირანული დრონების გამოყენებით თავს დაესხა უკრაინის სამოქალაქო ინფრასტრუქტურას.
