საქართველოს პრეზიდენტმა, სალომე ზურაბიშვილმა გუშინ ორბელიანების სასახლეში გამართულ ბრიფინგზე განაცხადა, რომ ქართული ქარტია არის ერთობის ინსტრუმენტი. მისივე თქმით, ქარტიით გათვალისწინებული რეფორმების გარეშე, რომელიც მოიცავს სასამართლოს, ანტიკორუფციულ ქმედებებს და საარჩევნო გარემოს, ქვეყანა წინ ვერ წავა.
სალომე ზურაბიშვილმა ასევე აღნიშნა, რომ „ქართული ოცნების“ წინასაარჩევნო კამპანია პოზიტიური დაპირებების ნაცვლად, „შიშის, მუქარის, რევანშის დაპირებისგან შედგება“.
პრეზიდენტმა ასევე აღნიშნა, რომ ტექნიკური მთავრობა პარტიებთან კონსულტაციებით უნდა შეიქმნას და არა მათ მიერ დანიშნული პოლიტიკოსებისგან.
